Markmaður Real Madrid, Andriy Lunin, væri frekar til í að fá Erling Haaland í níuna á Santiago Bernabeu en Kylian Mbappe.
Þetta sagði Lunin sjálfur en hann svaraði spurningum í þættinum sívinsæla El Chiringuito á Spáni.
Báðir leikmennirnir hafa sterklega veirð orðaðir við Real og eru tveir af bestu ef ekki tveir bestu sóknarmenn heims.
,,Ef við horfum á níuna þá myndi ég vilja Erling Haaland,“ sagði Lunin sem er aðalmarkvörður Real í dag vegna meiðsla Thibaut Courtois.
Mbappe er líklegri möguleiki fyrir Real í sumar en hann verður samningslaus hjá Paris Saint-Germain eftir tímabilið.