Jude Bellingham segist aldrei hafa verið nálægt því að fara til Liverpool, þegar Real Madrid kemur með tilboð sé ekki hægt að segja nei.
Bellingham mætir á Anfield í kvöld með Real Madrid þegar liðin mætast í Meistaradeildinni.
Bellingham fór til Real Madrid fyrir einu og hálfu ári frá Dortmund en Liverpool reyndi einnig að fá hann.
„Þegar Real Madrid bankar á dyrnar, þá byrjar húsið að hristast. Að ég væri að fara til Liverpool var aldrei eins líklegt og fjölmiðlar héldu fram,“ segir Bellingham.
„Ég vil ekki vera með neina óvirðingu en þegar Real Madrid hefur áhuga þá er það eitthvað miklu meira en annað.“
Bellingham sér sig ekki spila fyrir Liverpool í framtíðinni. „Að fara til Liverpool í framtíðinni? Ég held að næstu 10-15 ár þá verði ég hjá Real Madrid.“
„Ég er virkilega ánægður með Real Madrid.“
