Age Hareide, landsliðsþjálfari, viðurkennir að hann sé ekki viss um hvort Aron Einar Gunnarsson geti spilað gegn Wales á þriðjudag.
Aron fór meiddur af velli gegn Svartfjallalandi í dag en leikið var í Þjóðadeildinni.
Strákarnir unnu góðan og mikilvægan 2-0 sigur og fara í úrslitaleik gegn Wales um annað sætið á þriðjudag.
Aron entist í um 17 mínútur í leiknum í dag en hann virtist hafa meitt sit aftan í læri.
,,Þetta er leiðinlegt fyrir Aron sem æfði vel alla vikuna og hann gefur okkur auka hvatningu. Hann var miður sín,“ sagði Age við Stöð 2 Sport.
,,Ég veit ekki hvort hann geti spilað á þriðjudag, ég hef ekki rætt við læknateymið. Ég veit ekki hversu alvarlega meiddur hann er og við þurfum að bíða og sjá.“
