Taylor Harwood-Bellis er í fyrsta sinn í enska landsliðshópnum en ensk blöð vekja athygli á því í dag hver tengdapabbi hans er.

Harwood-Bellis er öflugur miðvörður en hann var keyptur í sumar til Southampton frá Manchester City.

Harwood-Bellis hafði verið á láni hjá Burnley og Southampton áður en hann var keyptur.

Harwood-Bellis er trúlofaður Leah Keane sem er dóttir Roy Keane, fyrrum fyrirliða Manchester United.

Leah og Harwood-Bellis hafa verið saman í nokkur ár en faðir Leah var þekktur fyrir að vera harður í horn að taka á vellinum, ekki er ólíklegt að hann eigi einhver góð ráð fyrir varnarmanninn unga.

Harwood-Bellis gæti spilað sína fyrstu landsleiki á næstu dögum en enska liðið spilar gegn Grikklandi og Írlandi á næstu dögum