Anthony Stokes fyrrum framherji Arsenal og Celtic hefur verið dæmdur í fangelsi fyrir ofsaakstur og að hafa verið með kókaín á sér.

Þessi 36 ára gamli fyrrum framherji keyrði á 160 kílómetra hraða á klukkustund þegar lögreglan tók hann nálægt Dublin í Írlandi.

Hann var í gær dæmdur í 15 mánaða fangelsi en hann var blindfullur og undir áhrifum eiturlyfja þegar hann var tekinn.

Þá var Stokes með kókaín á sér sem er metið á hálfa milljón, hann faldi eiturlyfin í sokk sem var í bílnum.

Tíu dögum eftir að hafa verið tekinn á bílnum fundust 86 ólöglegar töflur á heimili hans og var hann einnig dæmdur fyrir það

Stokes áfrýjaði dómnum í gær og borgaði fyrir það að þurfa ekki að fara strax í fangelsi á meðan málið er enn í kerfinu.