Aron Einar Gunnarsson var í byrjunarliði Al Gharafa í Meistaradeildinni í Asíu í kvöld þegar liðið vann góðan sigur á Al-Ain.
Aron samdi við Al Gharafa í síðustu viku en liðið er í Katar.
Aron lék 76 mínútur í góðum 4-2 sigri en fyrirliði íslenska landsliðsins kom til Al Gharafa frá Þór.
Aron lék sex leiki með Þór í Lengjudeildinni áður en hann hélt aftur til Katar þar sem hann lék í mörg ár með Al-Arabi.
Age Hareide kynnir landsliðshóp sinn á morgun fyrir komandi verkefni og verður áhugavert að sjá hvort Aron Einar komist í hópinn á nýjan leik.
