Það myndi kosta Manchester United himinháa upphæð að losa sig við Hollendinginn Erik ten Hag á þessu tímabili.
Þetta fullyrðir miðillinn Goal en Ten Hag er valtur í sessi í Manchester eftir erfiða byrjun á tímabilinu.
United spilaði gegn Tottenham um helgina og tapaði þeim leik 3-0 á heimavelli en liðið missti mann af velli í fyrri hálfleik.
Talið er að Ten Hag fái allavega tvo leiki til viðbótar til að ná til sinna manna en ef það gengur ekki þá er sparkið yfirvofandi.
Goal segir að United þyrfti að borga Ten Hag 17,5 milljónir punda ef samningi hans verður rift sem er engin smá upphæð.
United hefur náð í sjö stig eftir fyrstu sex umferðirnar í ensku úrvalsdeildinni sem er ekki ásættanlegur árangur.
