Pep Guardiola stjóri Manchester City er gjörsamlega trylltur út í Mikel Arteta stjóra Arsenal eftir ummæli hans síðustu helgi.

Það er Guardian sem segir frá þessu. „Þrátt fyrir að Guardiola hafi vandað orðaval sitt á fréttamanafundi þá er hann brjálaður út í hann fyrir þetta því þeir hafa lengi verið vinir. Hann átti von á meira frá Arteta,“ segir í grein Guardian.

Ummælin sem Guardiola er reiður yfir eru þessu. „Ég hef verið hérna, ég var hér í fjögur ár. Ég hef allar upplýsingar, trúið mér,“ sagði Arteta sem var aðstoðarmaður Guardiola í fjögur ár.

Guardiola er ekki hrifin af því þegar vinur hans talar undir rós. „Næst ætti Mikel að segja nákvæmlega hvað hann á við. Hvað á hann við?,“ sagði Guardiola.

„Hann sagðist hafa verið hér í fjögur ár og vita allt, kannski er þetta um ákærurnar á hendur félaginu. Hann hefur kannski upplýsingar, ég veit það ekki. Hann þarf að tala hreint út næst.“

Ljóst er miðað við frétt Guardian að vinskapur þeirra félaga gæti hreinlega verið á enda.