Ole Gunnar Solskjær er tilbúinn að snúa aftur á Old Trafford ef hann fær símtal frá eigendum félagsins.
Solskjær greinir sjálfur frá en hann yfirgaf stjórasætið hjá United árið 2021 eftir að hafa náð þokkalegum árangri.
Norðmaðurinn er fyrrum leikmaður United og lék þar í mörg ár en hann er enn án starfs eftir að hafa kvatt Old Trafford fyrir þremur árum.
Erik ten Hag, stjóri United, er talinn vera undir pressu eftir byrjun United í vetur og gæti stjórnin leitað annað ef hlutirnir batna ekki á næstunni.
,,Ef fjölskyldan biður þig um eitthvað þá svararðu játandi alla daga vikunnar,“ sagði Solskjær.
,,Það er erfitt að tala um þau störf sem aðrir sinna en ég verð að svara játandi.“
