Wes Brown, goðsögn Manchester United, telur að Gabriel, leikmaður Arsenal, hafi náð til Norðmannsins Erling Haaland um helgina.
Haaland kastaði boltanum í Gabriel eftir 2-2 jafntefli liðanna á Etihad vellinum sem fór ekki of vel í leikmenn heimaliðsins.
City jafnaði metin á lokasekúndunum en Haaland átti heilt yfir ekki það góðan leik en skoraði þó fyrra mark heimaliðsins.
Brown telur að Gabriel hafi náð að pirra Haaland í viðureigninni en framherjinn er vanur því að vera of erfiður andsdtæðingur fyrir mótherja sína.
,,Ég tel að Gabriel hafi pirrað Erling Haaland í þessum leik. Þú gast séð nokkrar orustur þeirra á milli,“ sagði Brown.
,,Haaland áttaði sig á því að hann myndi eiga erfiðan leik gegn Gabriel, jafnvel þó hann hafi skorað. Það getur verið auðvelt að missa stjórn á skapinu.“
,,Þetta var stórleikur tveggja bestu liða Englands og ég tel að þau muni berjast um toppsætið. Það kemur ekki á óvart að þeir hafi lent í útistöðum.“
