Þjálfarar í ensku úrvalsdeildinni fóru að kvarta undan hegðun leikmanna Arsenal á síðustu leiktíð þegar þeir fóru að greina leik liðsins.

Bellibrögð Mikel Arteta stjóra Arsenal hafa verið til umræðu eftir 2-2 jafntefli gegn Manchester City um helgina.

Á síðustu leiktíð fóru aðilar í deildinni að taka eftir þessu og þá eru nefndir til sögunnar leikir gegn Newcastle og Wolves á útivelli.

Þá er nefndur leikur gegn Brighton í desember á síðasta ári, fóru leikgreinendur að taka eftir brögðum Arsenal manna til að tefja og hafa áhrif á leikinn.

Var þetta flaggað við forráðamenn í deildinni en málið fór ekkert lengra en það.

Arteta gefur lítið fyrir þetta og ræddi við fréttamenn í dag. „Ég vil staðreyndir frekar en orð, sjáum hverjir verða með á morgun. Förum þá að ræða bellibrögð,“ sagði Arteta í dag fyrir leik gegn Bolton í deildarbikarnum á morgun.

Arteta lét Myles Lewis-Skelly ungan leikmann liðsins fara með skipanir til David Raya að tefja leikinn gegn Manchester City. Daily Mail fékk myndband sem sýnir þetta.