Zlatan Ibrahimovic hefur ekkert breyst þrátt fyrir það að hafa lagt skóna á hilluna á síðasta ári.

Zlatan er í dag í starfi sem ráðgjafi hjá AC Milan en hann segist ráða öllu hjá félaginu og að aðrir fái litlu ráðið um það sem á sér stað.

Svíinn mætir á flest alla leiki Milan en hefur misst af einni viðureign á þessu tímabili að eigin sögn og var það gegn Liverpool í vikunni í Meistaradeildinni.

,,Ég er stjórinn og ég ræð því sem gerist, allir aðrir eru að vinna fyrir mig,“ sagði Zlatan við Sky Sports.

,,Þegar ljónið yfirgefur svæðið þá koma kettlingarnir. Þegar ljónið kemur til baka þá hverfa kettlingarnir.“

,,Persónulegar ástæður komu í veg fyrir að ég gæti mætt á leikinn en ég hef verið til staðar frá fyrsta degi.“