Ísland vann góðan sigur á Svartfjallalandi í Þjóðadeildinni í kvöld en leikið var á Laugardalsvelli.

Ísland vann 2-0 heimasigur en Orri Steinn Óskarsson og Jón Dagur Þorsteinsson komust á blað fyrir okkar menn.

Jón Dagur ræddi við 433.is sem og aðra miðla eftir leik og var að vonum ánægður með sigurinn.

,,Það var kannski eina sem vantaði, að ná þriðja markinu og klára þetta alveg í lokin en það var virkilega gott að ná í þrjá punkta,“ sagði Jón Dagur.

,,Það mesta sem við getum tekið úr þessum leik er hvað við gáfum þeim fá tækifæri á að skora en auðvitað getum við spilað aðeins betur. Heilt yfir vorum við þéttir og flottir í dag.“

Jón Dagur ákvað að ‘dabba’ er hann fagnaði marki sínu og fór aðeins yfir söguna á bakvið það eftir leikinn.

,,Það kemur frá Alfreði Finnboga, hann gerði þetta út í Úkraínu og maður var að spila í hans treyju í fyrsta sinn í dag. Ég sendi á hann fyrir leik að ég væri að spila í ellefunni og því þyrfti ég að taka ‘dabbið.’