Kevin Danso var nálægt því að ganga í raðir Roma á dögunum en hann er leikmaður Lens í Frakklandi.

Um er að ræða öflugan miðvörð sem Roma ákvað að hætta við að fá eftir læknisskoðun leikmannsins.

Roma vill meina að einhver áhyggjuefni hefðu fundist í læknisskoðun leikmannsins sem hann skilur ekkert í sjálfur.

,,Ég er vonsvikinn og pirraður yfir því sem hefur átt sér stað á síðustu dögum eftir misheppnuð félagaskipti til Roma,“ sagði Danso.

,,Mest af öllu er ég gríðarlega hissa á þessari ástæðu Roma. Bæði læknarnir hjá Lens og austurríska landsliðinu hafa fylgst vel með mér undanfarin ár.“

,,Þessi vinnubrögð eru því óskiljanleg af hálfu Roma fyrir mér og mínu teymi.“