Ed Sheeran einn vinsælasti og þekktasti tónlistarmaður í heimi hefur fjárfest í sínu knattspyrnufélagi á Englandi, Ipswich Town.

Ipswich er komið aftur upp í ensku úrvalsdeildina eftir langa fjarveru og mætir Liverpool í fyrsta leik á morgun.

Sheerar er harður stuðningsmaður Ipswich og hefur stutt við félagið síðustu ár en hefur nú keypt lítinn hlut í félaginu.

„Ég er mjög ánægður með það að fjárfesta í félaginu mínu,“ segir Sheeran sem mun þó ekki hafa atkvæðisrétt eða setjast í stjórn félagsins.

„Það er draumur hvers manns sem elskar fótbolta að eiga félagið sem þeir styðja, ég er mjög þakklátur fyrir þetta tækifæri.“