Chelsea er búið að banna öðrum leikmanni að nota æfingasvæði aðalliðsins og vill losna við hann í sumarglugganum.

Frá þessu greinir Telegraph en um er að ræða varnarmanninn Trevoh Chalobah sem er uppalinn hjá félaginu.

Samkvæmt Telegraph þarf Chalobah að æfa með unglingaliði Chelsea og má ekki hitta liðsfélaga sína í aðalliðinu.

Chalobah hefur spilað með Chelsea á undirbúningstímabilinu en hann er eftirsóttur af nokkrum félögum í Evrópu.

Conor Gallagher fékk sömu fréttir fyrr í vetur en hann hefur náð samkomulagi við Atletico Madrid og spilar á Spáni næsta vetur.

Chalobah var hins vegar opinn fyrir því að vera áfram hjá Chelsea en útlitið er ansi svart eftir þessar fréttir.