Það eru margir sem kannast við nafnið Alisha Lehmann en hún er ein frægasta knattspyrnukona heims.
Rúmlega 17 milljónir manns fylgja Lehmann á Instagram en hún samdi við lið Juventus á dögunum.
Lehmann ákvað að elta kærasta sinn Douglas Luiz en þau voru áður bæði hjá Aston Villa og spila nú bæði fyrir Juventus.
Lehmann var ekki lengi að eignast nýja fylgjendur á Instagram en hún hefur bætt við sig um tveimur milljónum eftir komuna.
Eftir ákveðnar myndbirtingar hefur reikningur hennar verið á mikilli uppleið og munu þessar tölur líklega hækka.
Lehmann er talinn af mörgum vera fallegasta knattspyrnukona heims og vakti mikla athygli á tíma sínum í Birmingham.
