Real Madrid er búið að kynna Brasilíumanninn Endrick til leiks en hann mun leika með félaginu í vetur.

Endrick er einn efnilegasti leikmaður Brasilíu en hann samdi við Real fyrir um tveimur árum.

Lið Endrick á þeim tíma, Palmeiras, náði hins vegar samkomulagi við Real að hann myndi ganga í raðir félagsins er hann myndi ná 18 ára aldri.

Draumurinn varð loksins að veruleika í gær en Endrick hágrét er hann ræddi við stuðningsmenn Real á Santiago Bernabeu.

Strákurinn ungi var himinlifandi með að vera loksins kominn til draumafélagsins og réð einfaldlega ekki við tilfinningarnar um tíma.

Stuðningsmenn Real búast við miklu af Endrick sem mun klæðast treyju númer 16 í sumar.