Curtis Jones, leikmaður Liverpool, var með knattspyrnustjóranum Arne Slot á blaðamannafundi í Bandaríkjunum fyrir æfingaleik liðsins við Real Betis í kvöld.
Slot var spurður út í stöðuna á Trent Alexander-Arnold, sem er að renna út á samningi hjá Liverpool eftir ár. Hann hefur til að mynda verið orðaður við Real Madrid.
„Svar mitt er frekar leiðinlegt og líklega það sama og þið hafið heyrt undanfarin ár. Við ræðum ekki samningamál hér en þið megið spyrja áfram,“ sagði Slot.
Jones er góður vinur Trent og það kom honum á óvart að fá ekki spurningu um hann miðað við ummæli hans er hann labbaði af fundinum.
„Ég hélt þeir myndu spyrja mig um Trent,“ sagði Jones, en vissi ekki að hljóðneminn greip það allt saman.
Hér að neðan má sjá þetta skondna atvik.
"I thought they were going to ask me about Trent." 👀 🤣 pic.twitter.com/uF34oUd9hT
— The Anfield Wrap (@TheAnfieldWrap) July 26, 2024
