Það eru líkur á að Brentford banni sóknarmanninum Ivan Toney að yfirgefa félagið á næstunni samkvæmt enskum miðlum.

Toney er ein stærsta ef ekki stærsta stjarna Brentford en hann spilaði með enska landsliðinu á EM í sumar.

Félög eins og Manchester United hafa verið orðuð við Toney sem vill sjálfur reyna fyrir sér í stærra liði.

Brentford keypti Igor Thiago frá Club Brugge í sumar sem á að vera eftirmaður Toney en hann meiddist á hné í leik gegn AFC Wimbledon á undirbúningstímabilinu.

Thiago eins og hann er kallaður mun ekki spila meira á undirbúningstímabilinu og er óljóst hvenær hann getur snúið aftur á völlinn.

Brentford gæti því þurft að treysta á þjónustu Toney í byrjun tímabils en félagaskiptaglugginn lokar ekki fyrr en í lok næsta mánaðar.