Mikel Arteta, stjóri Arsenal, ræddi eftir leik við Bournemouth í nótt þörfina til að breikka leikmannahóp Arsenal með nýjum leikmönnum til að geta skákað Manchester City í baráttunni um Englandsmeistaratitilinn.
Arteta ræddi við fjölmiðla eftir jafntefli síns liðs við Bournemouth í Bandaríkjunum í nótt. Þessi ummæli hans fóru hins vegar öfugt ofan í Steve Nicol, fyrrum leikmann Liverpool.
„Ég vil ekki heyra þetta á þessum tíma árs. Ég vil heyra eitthvað jákvætt, eins og „við viljum vinna titilinn og erum með það sem þarf til þess.“ Gerðu það þegiðu. Ég vil ekki heyra neinar afsakanir. Það verður nægur tími til þess þegar leiktíðin er hafin,“ sagði Nicol á ESPN.
Arsenal hefur verið í baráttunni um Englandsmeistaratitilinn undanfarin tvö tímabil en í bæði skiptin beðið lægri hlut fyrir City.
