Chido Obi-Martin, undrabarn Arsenal, ku vera á óskalista Manchester United en frá þessu er greint í dag.
Um er að ræða afskaplega efnilegan leikmann en hann er 16 ára gamall og leikur með unglingaliðum Arsenal.
Athletic greinir frá en United er talið hafa mikinn áhuga á að fá leikmanninn og bauð honum á æfingar í vikunni.
Viðræður á milli umboðsmanna sóknarmannsins og United eru þó ekki byrjaðar en Arsenal vill svo sannarlega halda stráknum.
Obi-Martin er sagður hafa engan áhuga á að samþykkja nýjasta tilboð Arsenal en hann má skrifa undir sinn fyrsta atvinnumannasamning í nóvember.
Það væri áfall fyrir Arsenal ef Obi-Martin semur við United en enginn leikmaður hefur skorað meira en hann á einu tímabili fyrir U18 lið Arsenal eða 28 mörk.
