Sjónvarpsstöðin ITV hafði víst engan áhuga á að ráða goðsögnina Gary Lineker til starfa – frá þessu greinir Daily Mail.

Mail segir að Lineker hafi leitast eftir því að yfirgefa BBC þar sem hann hefur starfað í mörg ár sem sjónvarpsmaður.

Lineker hefur starfað fyrir BBC frá árinu 1999 en hann var fyrir það enskur landsliðsmaður.

Hann er launahæsti sjónvarpsmaður Englands og fær um 1,35 milljónir punda í árslaun sem er svo sannarlega ekki amalegt.

Samningur Lineker rennur hins vegar út næsta sumar og hafði hann samband við ITV um möguleg skipti.

Mail segir að ITV hafi hafnað Lineker um leið en sá miðill sýndi fyrrum sóknarmanninum áhuga fyrir nokkrum árum.