Lionel Messi varaði leikmenn Argentínu við því að syngja óviðeigandi söngva á HM 2022 er liðið varð heimsmeistari.
Þetta segir Rodrigo de Paul, liðsfélagi Messi, en ummælin vekja athygli eftir fréttir vikunnar af argentínska liðinu.
Enzo Fernandez, leikmaður Argentínu, söng rasíska söngva ásamt öðrum leikmönnum Argentínu í garð leikmanna franska landsliðsins.
Fernandez er sjálfur í töluverðu veseni hjá félagsliði sínu, Chelsea, en Messi tók sjálfur engan þátt í þessari hegðun.
Messi hafði varað liðsfélaga sína við því að gera slíka hluti opinberlega árið 2022 en þeir virtust gleyma því eftir úrslitaleik Copa America á dögunum.
,,Leo bannaði okkur að syngja söngva um Brasilíu í leiknum því hann veit hvernig allt þetta virkar,“ sagði De Paul.
,,Það er allt önnur saga að gera það á hótelinu eða í einrúmi, þá gætirðu séð Leo hoppa á borðum.“
