Það eru gríðarlega margir knattspyrnuáhugamenn sem eru farnir að kannast við nafnið Wanda Nara sem er eiginkona Mauro Icardi.

Wanda og Icardi hafa margoft komist í fréttirnar en þau hafa hætt saman oftar en einu sinni en virðast alltaf finna ástina sín á milli á ný.

Nú er greint frá því að Wanda sé búin að biðja um skilnað frá Icardi en þau tóku sér góða pásu fyrir aðeins tveimur árum.

Margir eru orðnir þreyttir á að heyra sömu söguna í hverri viku en Wanda gaf frá sér tilkynningu þar sem hún fer yfir hlutina.

,,Vegna persónulegra mála og heilsu minnar, ég reyndi einu sinni í viðbót en það gekk ekki upp,“ sagði Wanda.

,,Leyfið öllum að segja það sem þau vilja. Ég veit hversu erfitt er að kveðja og hvað það getur kostað. Það er sagt hluti á netinu og í sjónvarpinu sem eru ekki réttir.“

,,Ég samþykki það hins vegar að það er hluti af því slæma og hluti af því sem ég er í dag. Ég ákvað að enda sambandið okkar en ég og Mauro verðum ennþá fjölskylda.“

,,Þetta voru bestu ár lífs míns en nú verð ég að fá að vera ein.“

Icardi er fyrrum leikmaður liða eins og Inter Milan og Paris Saint-Germain en hann er í dag í Tyrklandi hjá Galatasaray.