Mál Alberts Guðmundssonvar var þingfest fyrir Héraðsdómi Reykjavíkur í dag en fyrirtaka í málinu verður í lok ágúst.
Héraðssaksóknari hefur gefið út ákæru á hendur knattspyrnumanninum fyrir kynferðisbrot.
Þinghald verður lokað í málinu en fyrirtaka þess verður 26. ágúst, málið verður svo flutt eftir það.
Það er því ljóst að engin niðurstaða fæst í málið áður en félagaskiptaglugginn í Evrópu lokar í byrjun september.
Albert er leikmaður Genoa á Ítalíu en öll stærstu liðin þar í landi auk risa á Englandi höfðu sýnt honum áhuga.
Talið er að ákæran geti haft veruleg áhrif á það hvort félög festi kaup á kappanum sem átti magnað tímabil með Genoa síðasta vetur.
