Luciano Spalletti, landsliðsþjálfari Ítalíu, afsakaði sig eftir tap sinna manna gegn Sviss á EM í gær.

Sviss lagði Ítalíu 2-0 í 16-liða úrslitum mótsins en það síðarnefnda sýndi lítið sem ekkert í leiknum eins og áður á mótinu.

Spalletti hefur ekki verið við stjórnvölin í langan tíma en hann vill meina að hann hafi fengið of lítinn tíma til að vinna með þessum ágæta hóp.

,,Það sem átti sér stað er mér að kenna. Þetta er alltaf ábyrgð þjálfarans því ég valdi leikmennina í leikinn,“ sagði Spalletti.

,,Ég hef fengið lítinn tíma til að kynnast leikmönnunum. Allir sem voru á undan mér fengu 20 leiki til að prófa sig áfram og kynnast hópnum, sumir fengu 30.“

,,Nokkrir leikir til viðbótar hefðu svo sannarlega hjálpað mér.“