Real Madrid ákvað að kaupa framherjann Joselu og hefur nú staðfest sölu á leikmanninum til Katar.
Joselu var lánsmaður hjá Real í vetur og stóð sig nokkuð vel en hann er 34 ára gamall.
Joselu átti hins vegar engar framtíð fyrir sér hjá Real og var hann seldur strax eftir félagaskiptin.
Al-Gharafa er áfangastaður Joselu en hann er talinn hafa kostað tæplega tíu milljónir evra.
Real borgaði Espanyol aðeins 1,5 milljónir evra fyrir Joselu sem skoraði 18 mörk í 49 leikjum í vetur.
Joselu verður launahæsti leikmaður Al-Gharafa en hann fær níu milljónir evra í árslaun.
