Adam Ægir Pálsson, leikmaður Vals, var gestur í nýjasta þætti af Íþróttavikunni á 433.is. Helgi Fannar Sigurðsson og Hrafnkell Freyr Ágústsson hafa umsjón með þættinum.

Það var rætt um komu Gylfa Þórs Sigurðssonar til Vals í þættinum. Adam var spurður að því hvað hefði aðallega breyst með komu hans.

„Þetta hefur alveg breytt miklu en það var náttúrulega alveg standard fyrir í Val. En það sem gerir mikið fyrir mig er hvað hann er frábær í stóru leikjunum. Þegar mómentið kemur þá stígur hann upp.

Þetta er engin tilviljun, þetta er hugarfar. Hann er auðvitað geðveikur á æfingum. Alltaf þegar ég mæti seint í gymmið eða er í símanum þá spyr hann mig bara hvað ég sé að gera. Hann er alltaf að láta mann heyra það,“ sagði Adam léttur.

„Það sem maður lærir af þessu er að þegar stóra mómentið kemur, eins og víti eða eitthvað, öll pressan, þá er hann rólegasti maðurinn á vellinum.“

Gylfi hefur verið frábær fyrir Val og farið hundrað prósent í verkefnið á Hlíðarenda.

„Það kemur ekki á óvart. Hann er bara þannig persóna, með þannig metnað og þannig haus. Þú breytir ekkert hausnum þínum sama hver þú ert. Ef þú ferð í bumbubolta viltu vinna, þetta er bara það sama.“

Umræðan í heild er í spilaranum.

Íþróttavikan er í boði Bola léttöl og Lengjunnar