Fyrrum markavélin Alan Shearer segir að Gareth Southgate hafi gert rétt með því að taka Harry Kane af velli gegn Dönum á fimmtudag.

Kane er einn mikilvægasti ef ekki mikilvægasti leikmaður Englands en fór af velli í seinni hálfleik fyrir Ollie Watkins.

Shearer segir að Kane hafi verið að hafa lítil sem engin áhrif á leikinn og að Southgate hafi tekið rétta ákvörðun.

Leiknum lauk með 1-1 jafntefli en Kane skoraði vissulega eina mark Englands í viðureigninni.

,,Hann þurfti að gera þetta. Harry var ekki að hafa nein áhrif á leikinn, hann var ekki að taka hlaupin og allir boltar voru stuttir,“ sagði Shearer.

,,Ég er ánægður með að Gareth hafi ekki beðið þar til tíu mínútur voru eftir, gefum þeim 20 mínútur til að hafa áhrif á leikinn.“