Alfreð Finnbogason viðurkennir það að hann hafi gert mistök með því að semja við lið Eupen í Belgíu í fyrra.

Alfreð var fyrir það hjá Lyngby í Danmörku en hann er 35 ára gamall og er íslenskur landsliðsmaður.

Alfreð er einn af sparkspekingum RÚV í kvöld yfir leik Slóvakíu og Belgíu sem er í gangi þessa stundina.

Sóknarmaðurinn skoraði aðeins eitt mark í 27 leikjum fyrir Eupen sem féll úr efstu deild í Belgíu.

Hann segir að lífið hafi verið gott hjá fyrrum félagi sínu en það sama má mögulega ekki segja um Eupen.

,,Ef við förum út í það núna þá já það hefði verið gáfulegra,“ sagði Alfreð við Hörð Magnússon um hvort hann hefði átt að halda sig hjá Lyngby.