Íþróttavikan kemur út í hverri viku á 433.is og í Sjónvarpi Símans. Helgi Fannar Sigurðsson og Hrafnkell Freyr Ágústsson hafa umsjón með þættinum og með þeim í setti í þetta skiptið var Hörður Snævar Jónsson.

Íslenska karlalandsliðið var til umræðu í þættinum og var farið um víðan völl. Til að mynda var framherjastaðan rædd. Þar fékk Andri Lucas Guðjohnsen mikið lof fyrir frammistöðu sína í sigri á Englandi á dögunum.

„Þó Orri (Steinn Óskarsson) og Andri séu svipaðir held ég að Andri henti okkur betur. Við getum sett hann langan á hann, hann virðist vera betri í loftinu en Orri. Ef við erum að spila á móti svipuðum einstaklingum eða lakari getum við kannski notað þá báða,“ sagði Hrafnkell.

„Orri er bara miklu meiri nía sem þarf bara færi til að skora sín mörk.“

Hörður var sammála þessu.

„Þegar við erum að verjast í svona langan tíma verður senterinn bara að geta haldið svolítið í boltann þannig liðið komi upp.“

Umræðan um landsliðið í heild er í spilaranum.