Bernardo Silva, leikmaður Manchester City, viðurkennir að hann hafi kvatt landa sinn Joao Neves til að semja við enska stórliðið frekar en grannana í Manchester United.

United hefur lengi verið á eftir Neves sem spilar með Benfica og er aðeins 19 ára gamall.

Neves er einn efnilegasti leikmaður heims að margra mati en United er talið vera reiðubúið að borga 100 milljónir evra fyrir hans þjónustu.

Silva vill fá Neves til City en ætlar þó ekki að setja of mikla pressu á landa sinn.

,,Ég sagði honum að fara til Manchester City. Þetta er ekki auðveld staða, þetta er leikmaður sem er mjög eftirsóttur eftir frammistöðuna á síðustu leiktíð,“ sagði Silva.

,,Sem portúgalskur leikmaður þá er ég mjög hrifinn af honum og væri til í að vera með hann í mínu liði. Ég vil þó það besta fyrir hann.“

,,Ég þarf ekki að sannfæra hann. Joao Neves er nú þegar að sannfæra heiminn með hvernig hann virkar, hvernig orku hann færir leiknum. Það verður auðvelt fyrir önnur félög að blanda sér í baráttuna.“

,,Leyfið honum að taka þessa ákvörðun, að hún sé sú besta fyrir hann.“