Sjónvarpsmaðurinn Andri Már Eggertsson, Nablinn, var gestur í nýjasta þætti af Íþróttavikunni. Helgi Fannar Sigurðsson og Hrafnkell Freyr Ágústsson hafa umsjón með þættinum.
Halla Tómasdóttir, nýkjörin forseti Íslands, var mætt á leik kvennalandsliðsins gegn Austurríki í undankeppni EM á dögunum. Þar vannst 1-0 sigur.
„Hún sat með Guðna og sótti sigurinn. Vonandi mætir hún á sem flesta leiki,“ sagði Helgi og á þar við Guðna Th. Jóhannesson, fráfarandi forseta.
Guðni hefur verið duglegur að mæta á íþróttaleiki í tíð sinni sem forseti.
„Vonandi er hún svona forseti eins og Guðni, mætir á leiki,“ sagði Andri.
„Hún var líka greinilega búin að vera að punkta niður því hún var mætt í lopapeysunni eins og Guðni,“ sagði Hrafnkell svo léttur í bragði um málið.
Umræðan í heild er í spilaranum.
Íþróttavikan er í boði Bola léttöl og Lengjunnar
