Einhverjir eru farnir að kannast við nafnið Scott Law sem hefur verið í fréttunum á Englandi undanfarnar vikur.

Law var ákærður fyrir árás á síðasta ári en hann er ásakaður um að hafa ráðist að goðsögninni Roy Keane eftir leik Arsenal og Manchester United í september.

Leikurinn fór fram á Emirates vellinum í London en Law vill meina að Keane hafi ögrað sér á meðan leik stóð og þar á meðal slegið fast í glerið í ‘Sky Sports settinu’ til að láta vita af sér.

Law er sakaður um að hafa af engri ástæðu ráðist að Keane og til að mynda skallað hann en Keane svaraði fyrir sig áður en manninum var hent út.

,,Herra Keane var að níðast á mér og byrjaði að segja við mig að hitta hann fyrir utan. Hann benti á dyrnar,“ sagði Law.

Hann fer svo langt og segir að Keane hafi klesst viljandi á sig fyrir utan baðherbergi vallarins og þess vegna skullu þeir saman, frekar en að árás hafi átt sér stað.

,,Ég setti hausinn niður til að reyna að verja mig,“ sagði Law sem hágrét er hann var spurður út í atvikið en maðurinn er 43 ára gamall og Keane er 52 ára.

Myndband er í dreifingu þar sem Keane sést verja sig gegn Law og fer hann til að mynda með olnbogann í andlit stuðningsmannsins.

Law vill meina að hann hafi meiðst í kjölfar olnbogaskotsins en myndbandið sannar þó að höggið var ansi saklaust.

📽️ Watch unblurred CCTV footage as Roy Keane is accused of elbowing the Arsenal fan who ‘headbutted’ him during a match at the Emirates last September pic.twitter.com/ZVUCnFKMpV

— Mirror Football (@MirrorFootball) May 30, 2024