Nik Chamberlain, þjálfari Breiðabliks, býst við erfiðum leik gegn Keflavík í 8-liða úrslitum Mjólkurbikars kvenna. Dregið var í dag.

„Þetta verður erfiður leikur. Við spiluðum á móti þeim í vetur og í byrjun sumars og það voru erfiðir leikir,“ sagði Nik við 433.is í dag.

Blikar hafa farið frábærlega af stað á tímabilinu en liðið er með fullt hús stiga eftir fimm leiki.

„Þetta hefur verið fullkomið. Frammistöðurnar eru góðar og betri með hverri vikunni. Við þurfum að halda áfram að bæta það sem hægt er að bæta.“

Valur er einnig með fullt hús en liðin mætast á föstudag, þar sem eitthvað þarf undan að láta.

„Þú verður að vinna alla leiki og vinna þær líka. Þetta verður spennandi leikur. Vonandi verða margir á vellinum, það er engin ástæða til að fá ekki um þúsund manns á völlinn,“ sagði Nik, en viðtalið í heild er í spilaranum.