Það eru margir sem kannast við nafnið Alan Brazil en hann hefur lengi verið einn þekktasti útvarpsmaður Englands þegar kemur að fótbolta.
Brazil starfar fyrir TalkSport en hann þekkir vel til Sir Alex Ferguson, fyrrum stjóra Manchester United, sem er vinsæll um allan heim.
Ferguson hætti þjálfun fyrir um 11 árum síðan en hann er þekktastur fyrir tíma sinn hjá Manchester United þar sem hann vann ófáa titla.
Sem leikmaður þá lék Ferguson með skoska liðinu Rangers sem eru erkifjendur Celtic sem er það lið sem Brazil hélt uppá sem krakki.
Brazil viðurkennir að hann hafi hatað Ferguson á sínum yngri árum og nýtti hvert tækifæri til að fremja skemmdarverk í garði goðsagnarinnar.
,,Ég er með smá sögu af Fergie. Ég fæddist á sama stað og hann, það sem við köllum Castle Greyskulls,“ sagði Brazil.
,,Seinna flutti fjölskyldan á stað sem heitir Simshill og Fergie var ennþá nálægt mér. Þegar við keyrðum heim þá keyrðum við alltaf framhjá húsinu hans, ég eyðilagði garðinn hans því hann var nían í Rangers.“
,,Það er í raun glæpsamleg framkoma af minni hálfu en þetta voru erfiðir tímar.“
