Pep Guardiola var gríðarlega ósáttur í samtali við blaðamenn í gær eftir leik Manchester City við Chelsea í enska bikarnum.

Um var að ræða undanúrslitaleik bikarsins en hans menn í City höfðu betur með einu marki gegn engu.

Leikurinn kemur stuttu eftir að City spilaði við Real Madrid í Meistaradeildinni og datt úr leik í þeirri keppni eftir framlengingu og vítakeppni.

Guardiola skilur ekki af hverju hans menn hafi þurft að spila í gær frekar en í dag og fengið því auka dag í hvíld.

,,Þetta er óásættanlegt, algjörlega óásættanlegt,“ sagði Guardiola í samtali við BBC eftir leik.

,,Coventry, United og Chelsea, þau spiluðu ekki í vikunni og við vorum neyddir í að spila í dag. Næsti föstudagur verður betri.“