Liverpool þarf á öllum leikmönnum sínum að halda á næstu vikum segir einn besti leikmaður liðsins og fyrirliði, Virgil van Dijk.

Liverpool er í harðri toppbaráttu á Englandi en er úr leik í Evrópudeildinni eftir tap gegn Atalanta samanlagt, 3-1.

Þeir rauðklæddu hafa unnið deildabikarinn á þessu tímabili og eiga enn góðan möguleika á að fagna sigri í úrvalsdeildinni.

,,Við þurfum á öllum að halda á síðustu metrunum og það er tilfinningin sem ég er með í dag,“ sagði Van Dijk.

,,Við fengum tækifæri gegn Atalanta en vorum mögulega of fljótir á okkur á seinni þriðjung vallarins.“

,,Ef við berum leikinn saman við þann síðasta þá spiluðum við betur en það var ekki nóg.“