„Þetta verður frábært tækifæri fyrir stuðningsmenn til að fara í Árbæinn og horfa á fótbolta í bikarnum. Það verður mjög gaman og skemmtilegt verkefni. Við vitum svosem ekkert um þá en þurfum að fara að afla okkur upplýsinga um þá núna,“ sagði Rúnar.
Hann segir bikarkeppnina alltaf krydda fótboltasumarið með skemmtilegum hætti.
„Bikarinn er ofboðslega skemmtilegur og það er gaman að taka þátt í honum. Það er gaman að koma hingað og taka þátt í þessum drætti. Þetta er skemmtileg keppni og er stór á Íslandi. Menn vilja vinna hana, standa sig vel og komast langt. Þetta fjölgar leikjum og getur verið lyftistöng inn í aðra leiki, eins og í Íslandsmótinu. Ef það gengur ekki nógu vel þar geta menn notað bikarinn til að prófa eitthvað.
Þetta er styttri leið inn í Evrópukeppni eins og menn segja alltaf,“ sagði Rúnar léttur.
Rúnar tók við stjórn Fram í haust og er á sínu fyrsta tímabili með liðið. Fyrsti leikur í Bestu deildinni undir hans stjórn var gegn Vestra og vannst 2-0.
„Ég er ánægður. Auðvitað viljum við alltaf gera betur og bæta okkur, stækka hópinn og allt það. En ég kvarta ekki. Ég er ánægður á vinnustaðnum og með virkilega góða menn með mér í þjálfarateyminu og stjórnin er að berjast alla daga við að hjálpa okkur að gera allt eins vel og hægt er. En við þurfum að sjá hvernig þetta þróast. Það er einn leikur búinn og ekkert hægt að dæma okkur mikið út frá þeim leik endilega, hvort sem það var gott eða slæmt,“ sagði hann.
Viðtalið í heild er í spilaranum.
