Það hefur komið þónokkrum á óvart hversu lítið brasilíski landsliðsmaðurinn Vitor Roque hefur fengið að spila með Barcelona í vetur.

Um er að ræða 19 ára gamlan strák sem Barcelona keypti fyrir um 35 milljónir evra frá Athletico Paranaense í Brasilíu.

Roque hefur verið lítið notaður í vetur og er samtals með 11 leiki í öllum keppnum og hefur í þeim skorað tvö mörk.

Xavi, stjóri Barcelona, segir að Roque sé enn að læra hugmyndafræði spænska félagsins og að hann sé í raun ekki tilbúinn að byrja alla leiki liðsins.

,,Þetta er leikmaður sem gefur okkur mikið þó hann taki ekki beinan þátt. Gegn Cadiz þá fær hann mínútur því hann á þær skilið og við höfum trú á honum,“ sagði Xavi.

,,Við reynum að fá hann til að átta sig á okkar leikstíl og hugmyndum. Það eru sumir eiginleikar sem hann þarf að læra og það er það sem við erum að vinna í.“

,,Við höfum útbúið myndband sem mun hjálpa honum í að skilja hlutina betur.“