Það vakti athygli árið 2006 er fyrrum leikmaður Manchester United, Dwight Yorke, var fenginn til Sunderland á Englandi.

Yorke er 52 ára gamall í dag en hann lék með Sunderland í þrjú ár eftir stutta dvöl hjá Sidney í Ástralíu.

Það var fyrrum samherji Yorke, Roy Keane, sem fékk leikmanninn til Sunderland en hann hafði tekið við stjórnartaumunum hjá félaginu.

Yorke var lengi framherji sem leikmaður United og hélt Keane að hann væri enn að spila í sókninni árið 2006.

Yorke hafði þó skipt um stöðu og var orðinn djúpur miðjumaður en hann lék þar með landsliði sínu sem og Sidney.

,,Ég spilaði djúpur á miðjunni fyrir Trinidad gegn Englandi á heimsmeistaramótinu,“ sagði Yorke.

,,Ég var fyrirliði liðsins og sá um að spila aftarlega á miðjunni. Það var ekki of erfitt, ég fékk boltann, hélt honum og gaf svo á leikmann sem gat hlaupið hraðar!“

,,Roy Keane hafði ekki hugmynd um að ég væri búinn að breyta um stöðu, hann hélt að ég væri ennþá að spila í tíunni.“

,,Þegar þú spilar í þessum gæðaflokki er það hins vegar pirrandi staða því liðsfélagar þínir sjá ekki sendinguna nógu fljótt til að framkvæma hana; ég ákvað í staðinn að færa mig aftar og taka frekari þátt í leiknum.“

,,Hann hafði í raun ekki hugmynd um að ég væri nú að spila þessa stöðu bæði fyrir landsliðið sem og í Ástralíu.“