Það eru fleiri harðhausar í fótboltanum en Roy Keane en hann er þekktur fyrir að vera mjög skapstór og gerði garðinn frægan með Manchester United.

Keane var einnig þjálfari Sunderland frá 2006 til 2008 og vann þar með bæði Greg Halford og Graham Kavanagh.

Halford segir frá óhugnanlegu augnabliki sem átti sér stað 2007 en slagsmál áttu sér þá stað á skrifstofu Keane – Halford var sjálfur að bíða fyrir utan og vildi fá að ræða við þjálfara sinn.

Kavanagh og Keane höfðu lent í slagsmálum eftir heiftarlegt rifrildi en sá fyrrnefndi var einnig gríðarlega skapstór. Kavanagh og Keane höfðu þekkst í mörg ár en þeir voru samherjar í írska landsliðinu um tíma.

,,Í eitt skipti var ég á leiðinni inn á skrifstofu Keane og Graham Kavanagh var að koma út,“ sagði Halford.

,,Ég sit fyrir utan skrifstofuna og heyri öskur, ég heyri í borðinu hreyfast og finn að veggirnir eru að titra. Ég hugsaði bara með mér að ég vildi ekki vera næstur inn.“

,,Kavs kemur út og skyrtan hans er rifin og svitinn lekur af honum. Ég spurði hvað í andskotanum hafi átt sér stað þarna inni.“

,,Hann svaraði mér: ‘Ég hélt honum upp við vegginn og hann var að reyna að rífa mig úr treyjunni.’

,,Ég var steinhissa og dauðhræddur, ég vildi ekki vera næstur inn. Hann var að slást við Kavs og hann tapaði!“