KSÍ mun á næstu dögum ráða inn nýjan framkvæmdarstjóra en Klarta Bjartmarz er að ljúka störfum eftir rúmlega þrjátíu ára starf í sambandinu. Nýr framkvæmdarstjóri mun starfa náið með Þorvaldi Örlygssyni sem kosinn var formaður sambandsins um helgina.
Nokkrir aðilar hafa verið orðaðir við starfið en þar má nefna Eystein Pétur Lárusson, (Framkvæmdarstjóra Breiðabliks), Bjarna Guðjónsson (Framkvæmdarstjóra KR), Haraldur V. Haraldsson (Framkvæmdarstjóri Víkings), Björn Berg Gunnarsson (Fjármálasérfræðingur) og fleiri.
Framkvæmdastjóri KSÍ annast daglegan rekstur sambandsins, undirbúning verkefna og áætlanagerð og er yfirmaður starfsmanna sem ráðnir eru til KSÍ. Framkvæmdastjórinn framfylgir stefnu stjórnar KSÍ, skal uppfylla sömu hæfisskilyrði og stjórnarmenn, og skal haga störfum sínum í samræmi við ákvæði laga og reglugerða er varða starfsemi knattspyrnusambandsins.
Menntun – Hæfi – Reynsla
Þekking á íslenskri knattspyrnu.
Háskólamenntun sem nýtist í starfi.
Skipulögð og sjálfstæð vinnubrögð, geta til að vinna undir álagi.
Leiðtogahæfileikar, reynsla af rekstri og stjórnun (mannaforráð) og hæfni í mannlegum samskiptum.
Góð tölvukunnátta og þekking á helsta hugbúnaði.
Góð tungumálakunnátta.
Umsóknir sendist á umsokn@ksi.is. Umsóknarfrestur er til þriðjudagsins 27. febrúar.
