Kosið verður í stjórn KSÍ á ársþingi sambandsins á morgun en fjögur sæti af átta í stjórn eru til kjörs. Sjö frambjóðendur sækjast eftir þessum fjórum sætum.

Einnig verður kosið til formanns á morgun og hafa þeir aðilar svo sannarlega verið áberandi undanfarna daga á meðan þeir sem vilja komast í stjórn sjást lítið.

Aðilar sem blaðamaður hefur rætt við innan hreyfingarinnar segja fáa hafa haft samband við sig til þess að leggja sín mál á borðið og óska eftir stuðningi.

Aðrir hafa lítið látið fyrir sér fara og treysta á að nokkra mínútna ræða á ársþinginu verði til þess að atkvæðin fara til þeirra.

Nokkrir aðilar úr knattspyrnuhreyfingunni hafa viðrað þetta við blaðamann undanfarna daga og segja það sérsakt hversu lítið þetta fólk lætur fyrir sér fara.

Þessir eru í framboði til stjórnar:
Ingi Sigurðsson
Pálmi Haraldsson
Pétur Marteinsson
Sigfús Ásgeir Kárason
Sigurður Örn Jónsson
Sveinn Gíslason
Þorkell Máni Pétursson