Bjarni Helgason, blaðamaður Morgunblaðsins óttast það mikið að völd kvenna í Knattspyrnusambandi Íslands fari minnkandi. Telur hann það ekki góða þróun.

Vanda Sigurgeirsdóttir er að hætta sem formaður KSÍ, Klara Bjartmarz er að hætta sem framkvæmdarstjóri KSÍ og Borghildur Sigurðardóttir er að hætta sem stjórnar og varaformaður sambandsins.

Um stöðu formanns sækjast þrír karlmenn eftir embættinu en það eru þeir Guðni Bergs­son, Vign­ir Már Þormóðsson og Þor­vald­ur Örlygs­son.

Um fjögur laus sæti í stjórn KSÍ eru bara karlmenn í framboði. ,„Það er því ljóst að kon­um inn­an knatt­spyrnu­hreyf­ing­ar­inn­ar fer mjög fækk­andi. Helga Helga­dótt­ir og Tinna Hrund Hlyns­dótt­ir sitja þó áfram og verða einu kon­urn­ar í stjórn­inni en sjö karl­menn berj­ast nú um fjög­ur laus sæti í stjórn­inni,“ skrifar Bjarni í Morgunblaðið í dag.

Hann segir að lyktin úr Laugardalnum verði mikil næstu árinu. „Karl­menn eru ágæt­ir en knatt­spyrnu­hreyf­ing­in þarf á kon­um að halda og eft­ir næsta ársþing sam­bands­ins er ljóst að hrúta­lykt­in verður óþægi­lega mik­il úr höfuðstöðvum KSÍ.“

Ársþing KSÍ fer fram eftir níu daga og þá verður ljóst hver næsti formaður sambandsins verður og hvaða aðilar mæta í stjórn.