Luke Shaw gekk meiddur af velli í sigri Manchester United á Aston Villa í gær en það væri mikið áfall fyrir United að missa hann út.
Lisandro Martinez, varnarmaður liðsins meiddist á dögunum og verður ekki með í sex vikur eða svo.
„Við fórum varlega,“ segir Erik ten Hag um stöðu mála hjá Shaw eftir sigurinn.
„Hann fann til og við tökum enga sénsa því hann hefur verið talsvert meiddur. Við sjáum hvað gerist á næstu dögum.“
Ten Hag segir það slæmt ef United missir Shaw ofan í meiðslin hjá Lisandro Martinez.
„Það er ekki gott, það vita allir að mín hugmyndafræði snýst um vinstri fótar hafsent og vinstri fótar bakvörð. Við þurftum að breyta til og það hjálpaði okkur ekki.“
