Theodór Elmar Bjarnason, fyrrum landsliðsmaður og leikmaður KR, var gestur í nýjasta þætti Íþróttavikunnar. Helgi Fannar Sigurðsson og Hrafnkell Freyr Ágústsson hafa umsjón með þættinum, sem kemur út alla föstudaga á 433.is, Hringbraut.is og í Sjónvarpi Símans.

Undanfarið hefur ákveðinn hópur fólks hér á landi haft hátt um það að Ísland eigi ekki að spila komandi leik gegn Ísrael í umspili um sæti á EM af mannúðarástæðum. Þetta var tekið fyrir í þættinum.

„Fólk áttar sig ekki á því, eins og þegar Breiðablik var að spila við Maccabi, Breiðablik hefði farið í bann og hugsanlega ekki fengið peninginn sem þeir eru að fara að fá fyrir Sambandsdeildina (ef þeir hefðu neitað að spila leikinn),“ sagði Hrafnkell.

„Fólk verður að horfa í þetta. Eins með KSÍ, sem hefði kannski fengið fjögurra ára bann frá undankeppnum. Það hefði verið hræðilegt fyrir sambandið í heild.“

Elmar tók til máls.

„KSÍ eru ekkert pólitískt fyrirbæri. Við erum bara að reyna að spila fótolta. Við getum ekki verið að gerast dómarar í þessu, verðum bara að taka þátt í þessari keppni.

Við höfum öll samúð með því sem er að gerast. Við getum ekkert farið að velja hvaða lönd við ætlum að sniðganga þegar það er stríð. Það hafa verið fullt af stríðum sem stærri lönd hafa tekið þátt í, meðal annars Bandaríkin, sem enginn er að sniðganga. Við þurfum bara að sýna samstöðu á einhvern annan hátt,“ sagði hann.

Umræðan í heild er í spilaranum.