Reece James, leikmaður Chelsea, hefur beðið stuðningsmenn félagsins afsökunar á genginu á tímabilinu.
Chelsea hefur ekkert getað á leiktíðinni og tapaði 4-1 gegbn Manchester United á fimmtudag í næst síðasta leik sínum.
James verður ekki hluti af liðinu gegn Newcastle í lokaleiknum á morgun en hann er að glíma við meiðsli.
Bakvörðurinn er sár yfir gengi liðsins á tímabilinu en Chelsea mun ekki spila í neinni Evrópukeppni næsta vetur.
,,Ég er viss um að þið hafið séð fréttirnar að ég verði ekki klár fyrir lokaleikinn,“ sagði James.
,,Þetta hefur verið erfitt fyrir mig og mér þykir leitt að þetta tímabil hafi ekki gengið eins og við ætluðumst til.“
,,Ég sný aftur á næsta tímabili sterkari en áður og við munum berjast um titla á nýjan leik.“
Enski boltinn á 433 er í boði 
