fbpx
Föstudagur 02.júní 2023
433Sport

Samanburður við síðasta ár: Krísa á Akureyri en rosaleg bæting í Fossvogi – Valur og Breiðablik á svipuðum stað og í fyrra

Hörður Snævar Jónsson
Föstudaginn 26. maí 2023 11:00

Ekki missa af Helstu tíðindum dagsins í pósthólfið þitt

Lesa nánar

Örlítið krísuástand ríkir á Akureyri eftir að KA hefur nú tapað þremur leikjum í röð í Bestu deild karla, töpin hafa komið gegn þremur efstu liðum deildarinnar.

KA endaði í öðru sæti Bestu deildarinnar á síðustu leiktíð. Arnar Grétarsson stýrði þá liðinu lengst af tímabilsins.

KA ákvað að bjóða Arnari ekki nýjan samning og var honum svo sagt upp störfum fyrir síðustu leiki tímabilsins, hafði hann samið við Val á þeim tímapunkti.

Hallgrímur Jónasson var ráðinn þjálfari KA en liðið hefur skorað fjórum mörkum minna en í fyrstu níu leikjunum í fyrra og fengið á sig sjö mörkum meira en í fyrra.

Mynd/Anton Brink

Rosaleg bæting í Víkinni:

Víkingar hafa svo sannarlega bætt sig á milli ára en eftir níu leiki í fyrra var liðið með 16 stig og aðeins þrjú mörk í plús.

Nú eftir níu leiki er Víkingur með fullt hús stiga, 27 stig og er með ellefu stigum meira en á sama tíma í fyrra.

Þá eru Víkingar með 19 mörk í plús, liðið hefur skorað 21 mark en aðeins fengið á sig tvö. Liðið fékk 15 mörk á sig í fyrstu níu umferðunum í fyrra.

Breiðablik er með 21 stig sem er aðeins þremur stigum minna en á sama tíma í fyrra, liðið hefur fengið á sig 11 mörk sem er það sama og í fyrstu níu leikjunum í fyrra.

Blikar höfðu í fyrra skorað 27 mörk í fyrstu níu leikjunum en hafa nú skorað átta mörkum minna. Breiðablik hefur tapað tveimur leikjum og er sex stigum á eftir Víkingi.

Valsarar á svipuðum slóðum:

Valur byrjaði tímabilið afar sannfærandi en liðið hefur hikstað í síðustu leikjum og situr í þriðja sæti. Undir stjórn Heimis Guðjónssonar í fyrra var liðið með 16 stig en hefur þremur meira núna undir stjórn Arnars Grétarssonar.

Valur hefur tapað stigum í síðustu tveimur leikjum, einu töp Vals í sumar hafa komið gegn Breiðabliki en liðið mætir Víkingi á útivelli í næstu umferð.

2022:

2023:

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 6 klukkutímum

Halda því fram að United sé óvænt að hætta við Kane og að nýtt nafn sé komið á blað

Halda því fram að United sé óvænt að hætta við Kane og að nýtt nafn sé komið á blað
433Sport
Fyrir 7 klukkutímum

Liverpool vill byrja á útivelli og spilar líklega heimaleik annars staðar en á Anfield

Liverpool vill byrja á útivelli og spilar líklega heimaleik annars staðar en á Anfield
433Sport
Fyrir 21 klukkutímum

Veronika var mætt á ókunnar slóðir í gær en klæðaburðurinn vakti athygli – Sjáðu hvernig hún mætti á svæðið þegar heimurinn fylgdist með

Veronika var mætt á ókunnar slóðir í gær en klæðaburðurinn vakti athygli – Sjáðu hvernig hún mætti á svæðið þegar heimurinn fylgdist með
433Sport
Fyrir 21 klukkutímum

Besta deild karla: ÍBV spyrnti sér frá botninum eftir hörmulegt gengi

Besta deild karla: ÍBV spyrnti sér frá botninum eftir hörmulegt gengi